Mbrëmja e djeshme ka qenë e vështirë për qytetet e Fierit dhe Himarës, ku flakët u përhapën me shpejtësi duke kërcënuar banesa, hotele dhe biznese. Zjarri u favorizua nga era e fortë dhe temperaturat e larta, duke bërë që zjarrfikësit të luftonin me flakët.
Lidhur me situatën ka reaguar edhe kryeministri Edi Rama, i cili përmes një postimi në rrjetet sociale u shpreh se Fieri dhe Himara kanë kaluar një natë të vështirë, ndërsa aktualisht situata paraqitet nën kontroll.
Po ashtu Rama theksoi se aktualisht nuk ka rrezik për banorët apo zonat e banuara, ndërsa strukturat përgjegjëse vijojnë punën në terren për monitorimin e situatës dhe evidentimin e dëmeve.
“Himara dhe Fieri kaloi një natë shumë të vështirë mbrëmë.
Aktualisht situata është nën kontroll dhe nuk ka rrezik për banorët apo zonat e banuara. Strukturat përgjegjëse vijojnë punën në terren për monitorimin e situatës dhe evidentimin e dëmeve
Bashkia do të vijojë identifikimin dhe vlerësimin e dëmeve, si dhe evidentimin e rasteve që kanë nevojë për ndihmë urgjente," shkruan Rama.
Sondazh
Lexo gjithashtu
