Jo vetëm futboll, por miliarda dollarë! Trump zbulon suksesin ekonomik të “Botërorit 2026”
Presidenti i Shteteve të Bashkuara, Donald Trump, ka zbuluar ndikimin ekonomik të Kupës së Botës 2026, duke e cilësuar turneun si një faktor të rëndësishëm për ekonominë amerikane.
Përmes një postimi në platformën “Truth”, Trump deklaroi se vetëm organizimi i Botërorit ka gjeneruar më shumë se 18 miliardë dollarë për ekonominë e SHBA-së, ndërsa sipas tij u krijuan mbi 160 mijë vende pune.
“Vera ka qenë e jashtëzakonshme për udhëtimet në Shtetet e Bashkuara. Vetëm Botërori i FIFA-s ka gjeneruar mbi 18 miliardë dollarë për ekonominë tonë, duke krijuar më shumë se 160 mijë vende pune. Më e mira ende nuk ka ardhur”, shkroi Trump.
Shifra e përmendur nga Trump doli më e lartë se parashikimet e mëparshme të vetë administratës amerikane.
Task-forca e Shtëpisë së Bardhë kishte vlerësuar më herët se Botërori do të sillte rreth 17.2 miliardë dollarë ndikim në Prodhimin e Brendshëm Bruto, si dhe do të krijonte mbi 185 mijë vende pune.
