Tragjedia në Kelmend – Ky është alpinisti që vdiq pasi ra në një humnerë

Lajme

Gazeta Express

05/09/2026 18:22

Florian Sini, është alpinisti 40-vjeçar, i cili humbi jetën këtë të shtunë pasi ra në një humnerë në zonën e Lëpushës, në Kelmend.

Sipas Policisë, ngjarja ka ndodhur rreth orës 10:52, kur autoritetet janë njoftuar se një person dyshohej se kishte rënë në një humnerë në fshatin Lëpushë.

Shërbimet e Policisë kanë shkuar në vendngjarje, ku kanë konstatuar se 40-vjeçari kishte humbur jetën si pasojë e dëmtimeve të marra nga rënia.

“Rreth orës 10:52, Policia është njoftuar se shtetasi F. S., rreth 40 vjeç, dyshohet se ka rënë në një humnerë, në fshatin Lëpushë, Kelmend. Menjëherë pas marrjes së njoftimit, shërbimet e Policisë kanë shkuar në vendngjarje dhe kanë konstatuar se, si pasojë e dëmtimeve të marra, 40-vjeçari ka humbur jetën”, thuhet në njoftimin e Policisë.

Grupi hetimor po vijon veprimet për zbardhjen e plotë të rrethanave të aksidentit.