“Riatdhesimi, çështje e sigurisë kombëtare”, eksperti Xhavit Shala: Të kthyerit nga Siria duhen riintegruar

Misioni i fundit i riatdhesimit të shqiptarëve nga kampet në Siri solli në Shqipëri 5 shtetas, gra e fëmijë, të cilët, sipas ekspertëve, duhet ti nënshtrohen një procesi shumë të rëndësishëm rehabilitimi dhe riintegrimi. Ky proces konsiderohet prej tyre si çështje e sigurisë kombëtare.

“Ne duhet të punojmë për një rehabilitim, për një rintegrim të tyre në mënyrë që këta të mos kthehen në problem sigurie. Nesër rehabilitimi dhe integrimi i tyre është çështje dhe unë duhet ta konsideroja edhe një çështje të sigurisë kombëtare sepse në qoftë se ky proces do dështojë ata do ndjehen të veçuar nga shoqëria dhe pastaj ata bëhen objekt që mund të kalojnë në faza të tjera që mund të kthehen në problematikë për veten e tyre, për familjen e tyre, por edhe për shtetin”, tha eksperti.

Profesori i Asociuar Xhavit Shala, thotë për Radio Televizionin Shqiptar, se programet duhet të jenë individuale, shumë të kujdesshme dhe ndër sektoriale.

“Në radhë të parë duhet një vlerësim individual. Në qoftë se ne i marrim gratë për shembull mund të kenë përfshirje të ndryshme në ato procese atje dhe është akomodimi, është trajtimi social, puna me psikologun, me sociologun, me janë një sërë veprimesh, sidomos problemi i madh është për fëmijët. Fëmijët duhen trajtuar si viktima të një procesi e të një ambienti ekstremist. Është një proces i vazhdueshëm. Është një proces i vështirë. Kalojmë në radhë të parë tek vlerësimi juridik. Këto do kalojnë edhe këto në një proces dekriminalizimi dhe në një proces tjetër rehabilitimi, në një proces tjetër integrimi”, u shpreh Shala.

Rreth 144 shtetas shqiptarë iu bashkuan konflikteve në Irak dhe Siri gjatë viteve 2012-2015. Në vijim, Qeveria Shqiptare ka realizuar 5 operacione për të riatdhesuar nga kampi Al-Hawl në Siri, 44 gra dhe fëmijë, të cilët janë përfshirë në një proces rehabilitimi dhe riintegrimi.

17 prej tyre fëmijë, disa të lindur në Siri dhe disa të marrë nga prindërit e tyre për t’iu bashkuar ISIS.

Shqipëria njeh si të vrarë në Siri 30 shqiptarë ndërsa në Siri dyshohet se janë edhe 12 shqiptarë të tjerë të cilët kanë qenë në kampet siriane, gra dhe fëmijë, kryesisht jetimë, si dhe 10 burra të tjerë shqiptarë në burgje dhe një pjesë tjetër të cilëve nuk u dihet fati.

Riatdhesimi i dy grave dhe tre fëmijëve nga Siria, Ambasada e SHBA përgëzon Shqipërinë: Fitore për sigurinë globale

11:23 Sociale 2 komente

Tre net me kufizime në autostradën Tiranë–Durrës, ja rrugët ku do të devijohet qarkullimi

09:40 Sociale

Qeveria i kalon Bashkisë Krujë pronësinë e 196 apartamenteve për pasojat e tërmetit

23:00 Sociale 2 komente

Shqipëria përgatit njohjen europiane të profesioneve, rregulla të reja për mjekët, infermierët, farmacistët dhe arkitektët

21:20 Sociale 4 komente

Vdekja e 37-vjeçares shtatzënë, reagon Ministria e Shëndetësisë: Do të verifikohet i gjithë trajtimi, nëse ka shkelje do të merren masa

20:10 Sociale 2 komente

Punimet për zgjerimin e superstradës Tiranë-Durrës/ ARRSH njofton kufizimet e përkohshme të lëvizjes

18:50 Sociale

Ndryshimi në ligj, më pak jetimore dhe azile

18:00 Sociale 9 komente

Urgjencat në verë, një sezon i ngarkuar me trauma dhe viroza të stinës

15:40 Sociale

Më pak nxënës në një grup - Ndryshojnë rregullat për klasat e bashkuara

15:20 Sociale

Rishikohen fondet e shëndetësisë - 39.3 miliardë lekë për spitalet. QSUT, me buxhetin më të lartë

13:00 Sociale 1 koment