Situata e zjarrit në fshatin Lundre të Matit paraqitet problematike, pasi vatra e zjarrit ka dalë jashtë kontrollit dhe po përhapet me shpejtësi në terrenin malor. Si pasojë e përhapjes së flakëve, po kërcënohen banesat, stallat e bagëtive, si dhe sipërfaqe të mëdha pyjore në zonë.
Pavarësisht angazhimit maksimal të strukturave të emergjencave civile dhe punës së pandërprerë për izolimin e vatrës, ndërhyrjet nga toka nuk po mund të shuaj flakët. Përmasat e mëdha të zjarrit, tymi i dendur, terreni i thyer malor dhe kushtet e favorshme për përhapjen e flakëve po vështirësojnë ndjeshëm punën e forcave zjarrfikëse.
Për shkak të përmasave të mëdha të zjarrit, flakët kanë depërtuar deri në vargmalin e Skënderbeut. Në këtë pjesë të terrenit ka mbërritur edhe Policia e Shtetit, e cila po monitoron nga afër situatën dhe po merr masa për të shmangur rrezikun ndaj qytetarëve.
Në ndihmë të forcave tokësore ka mbërritur me urgjencë edhe helikopteri i emergjencave civile, i cili ka nisur menjëherë ndërhyrjen nga ajri, duke hedhur ujë mbi vatrat e zjarrit.
Sondazh
Lexo gjithashtu
