Një aksident me tre automjete është regjistruar në Lushnjë, në rrugën që të çon drejt stadiumit, pranë bizneseve mbi kanal.
Sipas raportimeve paraprake, përplasja ka ndodhur gjatë një manovre parakalimi, ku drejtuesit e mjeteve nuk kanë krijuar hapësirën e nevojshme për kalimin e njëri-tjetrit.
Si pasojë e aksidentit, automjetet kanë pësuar dëmtime të konsiderueshme materiale. Fatmirësisht, nuk raportohet për persona të lënduar.
Shërbimet e Policisë kanë mbërritur në vendngjarje dhe kanë nisur veprimet për të përcaktuar rrethanat e aksidentit dhe përgjegjësitë e drejtuesve të mjeteve.
