Një aksident është regjistruar në fshatin Vajkan, ku një mjet bujqësor që transportonte produkte bujqësore është përmbysur.
Nga aksidenti ka mbetur i lënduar drejtuesi i mjetit, 53-vjeçari Altin Alla, i cili është dërguar në spital për të marrë ndihmë mjekësore.
Sipas të dhënave paraprake, Alla kishte përfunduar vjeljen e rrushit në tokat e tij dhe po e transportonte prodhimin me mjetin bujqësor, kur dyshohet se ka humbur kontrollin, duke shkaktuar përmbysjen e tij.
Grupi hetimor ka nisur punën për të dokumentuar ngjarjen dhe për të përcaktuar shkaqet e aksidentit.
