Flash News

Eksplozivi i lidhur me celular në Durrës, arrestohen dy persona

Bie në humnerë, humb jetën 40-vjeçari në Malësi të Madhe

Himara dhe Fieri digjen gjithë natën, Rama e mbyll me një postim: Situata është nën kontroll

Kuvendi rikthehet në punime më 8 shtator, territorialja në fokus

‘Përtej oqeanit’/ Berisha mbërrin në SHBA, shqiptarët i japin mirëseardhjen e ngrohtë kreut të PD-së

Ditari i Opozitës

Këlliçi: Alabbar konfirmoi dështimin, SPAK të veprojë sa më parë për Portin e Durrësit

Politiko 2 August 2026, 18:04

763722886_2272620626477395_2631848619181709686_n.jpeg

Deputeti dhe nënkryetari i Partisë Demokratike, Belind Këlliçi, ka reaguar pas deklaratave të biznesmenit Mohamed Alabbar për projektin e Portit të Durrësit, duke i cilësuar ato si një tjetër dëshmi të dështimit të nismës së qeverisë shqiptare.

Në një postim në rrjetet sociale, Këlliçi shkruan se edhe vetë investitori kryesor i projektit ka pranuar se procesi ka qenë i nxituar dhe se kjo përbën një paralajmërim për dështimin e projektit.

Sipas deputetit demokrat, dhënia e 80 hektarëve truall në zonën e portit te kompania e Alabbar është një nga aferat më të mëdha të qeverisë Rama, pasi sipas tij prona me vlerë strategjike është kaluar pa një debat publik dhe pa transparencë.

"Edhe Alabar denoncon Edi Ramën, çfarë pret SPAK të veprojë për krimin e rëndë me Portin e Durrësit?!
Miku i Edi Ramës Alabar, që mori falas 80 hektarë truall në portin e Durrësit, qenka shprehur se ky projekt ishte i nxituar dhe një gabim. Alabar paralajmëron kështu dështimin!
Në kulmin e protestave kundër korrupsionit dhe arrogancës së Edi Ramës, vjen një tjetër konfirmim se Kryeministri e ka trajtuar vendin si plaçkë dhe pronë private.
Po ky rast ishte një kulm i papërgjegjshmërisë dhe tradhtisë ndaj vendit. Sepse një port 2 mijë vjeçar, me 80 hektarë truall me vlerën më të madhe në vend, ju fal mikut të Edi Ramës pa asnjë diskutim, debat, dëgjesë.
Pra Edi Rama e trajtoi nyjen më të rendesishme tregtare dhe strategjike të kombit, sikur ta kishte kopshtin e tij në Surrel.
Deri tani, miku i Kryeministrit nuk ka investuar asnjë qindarkë. Aty janë hedhur rreth 60 milionë euro të marra nga qytetarët shqiptarë me kontratë porosie.
Janë bërë disa godina që u zhytën 18 centimetra, çka hodhi dyshime mbi cilësinë e punimeve.
Edi Rama fali një pronë kaq të çmuar duke e ndëshkuar Shqipërinë, duke e rrezikuar ta lërë pa port.
Pra kemi të bëjmë me disa krime të rënda.
Çfarë pret SPAK për ta marrë të pandehur e për ta vënë para përgjegjësisë, autorin e kësaj afere, që është Edi Rama?!", shkruan Këlliçi. 

Të fundit