Ish-presidentja e Kosovës, Vjosa Osmani, ka dalë me fjalë të ngrohta për festivalin "Sunny Hill", duke thënë se ky event po arrin t'i bëjë njerëzit anembanë botës të bien në dashuri me Kosovën.
Nëpërmjet një postimi në rrjetin social "X", Osmani theksoi se këngëtarja shqiptare me famë ndërkombëtare, Dua Lipa, ka arritur një sukses të dyfishtë pasi ka vënë Kosovën në vëmendjen globale dhe njëkohësisht ka bërë që bota ta çmojë atë.
"Disa njerëz e vendosin Kosovën në hartë. Të tjerë e bëjnë botën të dashurohet me të. Dua Lipa i ka bërë të dyja", shkroi ajo.
Osmani u shpreh se përmes "Sunny Hill", Dua Lipa ka sjellë çdo vit në Prishtinë mijëra vizitorë nga vende të ndryshme të botës, duke i dhuruar kështu Kosovës një skenë ndërkombëtare të veçantë. Ajo falënderoi artisten për angazhimin e saj shumëvjeçar.
"Përmes Sunny Hill, ajo ka sjellë njerëz nga e gjithë bota në Prishtinë dhe i ka dhënë vendit tonë një skenë të pashoqe. Përmes muzikës, zërit të saj dhe dashurisë së palëkundur për atdheun e saj, ajo ia përcjell shpirtin e Kosovës miliona njerëzve në të gjithë globin. Për çdo të ri që e sheh vendin e tij të festohet në skenën botërore, për çdo vizitor që e zbulon Kosovën përmes Festivalit Sunny Hill dhe për një komb të tërë që ndihet shumë më krenar për origjinën e tij: FALEMINDERIT, Dua", përfundoi Osmani në postimin e saj.
Sondazh
Lexo gjithashtu
