Kryeministrja e Italisë, Giorgia Meloni, ka mbrojtur ashpër politikat dhe bilancin e qeverisë së saj gjatë një tubimi të mbajtur në portin e Barit, të organizuar nga partia “Vëllezërit e Italisë” (FdI) për të festuar jetëgjatësinë rekord të këtij ekzekutivi, i cili ka arritur në 1,413 ditë në pushtet.
Duke iu drejtuar mijëra mbështetësve të mbledhur nga rajoni i Pulias dhe më gjerë, Meloni vuri theksin te politikat e menaxhimit të migracionit, duke vlerësuar se qasja e qeverisë së saj tashmë është kthyer në një standard për Bashkimin Evropian.
“Ata thanë se propozimet tona mbi menaxhimin e emigrantëve ishin të papërshtatshme, jashtë kulturës ligjore evropiane. Unë njoftoj se sot ato qëndrime janë ligj evropian, ato janë kulturë ligjore evropiane”, deklaroi ajo.
Duke specifikuar hapjen e qendrave të riatdhesimit në Shqipëri, kryeministrja theksoi ndryshimin e qëndrimit të Brukselit: “Ata na quajtën ekstremistë për vite me radhë, pastaj ata kopjuan gjithçka. Kjo është ajo që do të thotë të numërosh në Bruksel”.
Qëndrueshmëria politike u cilësua nga shefja e qeverisë si thelbi i suksesit të kabinetit të saj.
“Stabiliteti është reforma e parë e madhe”, u shpreh Meloni.
Ajo argumentoi se epoka e ndryshimeve të shpeshta qeveritare dëmtonte peshën e Italisë në negociatat ndërkombëtare, ndërsa theksoi se “qeveria më e qëndrueshme nuk është domosdoshmërisht më e aftë, por është thjesht ajo që ka pasur më shumë kohë për t’u gjykuar”.
Meloni nënvizoi gjithashtu dallimin thelbësor me forcat opozitare, duke u shprehur se koalicioni i saj udhëhiqet nga një projekt i qartë afatgjatë.
“Ne nuk jemi bashkë për të mposhtur kundërshtarin, por për të ndërtuar ide”, deklaroi ajo, duke theksuar se pas kaq shumë ditësh në pushtet, qeveria ka ende një listë të gjatë detyrash për të përmbushur.
Në mbyllje të fjalës së saj, kryeministrja italiane rikonfirmoi vendosmërinë për të vazhduar reformat dhe drejtimin e vendit.
“Nuk kam ndërmend të dorëzohem dhe nuk kam ndërmend të pajtohem. Dua që ata të thonë se pati një moment kur ky komb ndaloi së dorëzuari. Dhe dua që ata të thonë se kjo ndodhi”, përfundoi Meloni.
KM- Meloni, e përshëndes me këngën e motrës, kënduar nga E. Jubani dhe B. Alibali më 1983:
“ Dall’ndyshet përgatiteshin t’shtegtonin tjera vende
Dhe ti o motër për të vajtur në folezën tënde.
Do kthehen dallndyshet bashkë me pranverën.
Ashtu siç vjen ti motër në folezën tënde,
Folez’n e vjetër, të re e bën cicërimi
Cicërojnë zogjtë e tu, lule gëzimi
Megjithëse motra u bë nënë me fëmi
Zemra për vëllezrit gjithnjë hapur rri.”
Në italisht;
“ I diversi si preparavano a migrare verso altri luoghi
E tu, sorella, a tornare al tuo nido.
I diversi torneranno con la primavera.
Proprio come tu, sorella, torni al tuo nido,
Il vecchio nido si rinnova con il cinguettio
I tuoi uccelli cinguettano, fiori di gioia
Anche se la sorella è diventata madre con dei figli
Il tuo cuore per i fratelli rimane sempre aperto.”
Shëndet e jetë motrës tonë.