Zjarri që ka përfshirë zonën e Ulzës në Mat ka marrë përmasa të mëdha, duke depërtuar tashmë në luginën e Shkopetit. Flakët, të ndihmuara nga era, vijojnë të përhapen me shpejtësi dhe kanë avancuar në disa drejtime.
Situata më e vështirë raportohet në fshatin Madhesh, ndërsa vatra po përparon edhe drejt zonës së Skurajve. Terreni i thyer dhe kushtet atmosferike po vështirësojnë punën e forcave në terren, duke e bërë të vështirë izolimin e zjarrit nga toka.
Ndërkohë, flakët kanë shkaktuar dëme në disa zona, duke prekur stane dhe banesa. Dyshohet se nga zjarri mund të jenë dëmtuar edhe kafshë. Sipas raportimeve, situata vijon të mbetet kritike.
