Operacion në IEVP Fushë-Krujë, sekuestrohet celulari që dyshohet se i përket Ramazan Rrajës
Një operacion i Drejtorisë së Burgjeve është zhvilluar në IEVP Fushë-Krujë, ku është kapur dhe sekuestruar një aparat celular që dyshohet se i përket Ramazan Rrajës.
Sipas burimeve, celulari i sekuestruar i është dorëzuar SPAK-ut për ekspertizë dhe pritet të ekzaminohet në laboratorin dixhital, për të verifikuar të dhënat dhe komunikimet që mund të përmbajë.
Ndërkohë, operacioni vijon në ambientet e IEVP Fushë-Krujë, pasi dyshohet se janë fshehur edhe aparate të tjera celulare.
Kontrollet po vijojnë për identifikimin dhe sekuestrimin e pajisjeve të tjera që mund të ndodhen në ambientet e burgut.
