Flash News

Caku i Berishës, nga 'Oqeani' te 'Hëna'

Konflikti i biznesmenëve te ‘Regina Palm’, pritet masa e sigurisë për të arrestuarit

Eksplozivi i lidhur me celular në Durrës, arrestohen dy persona

Bie në humnerë, humb jetën 40-vjeçari në Malësi të Madhe

Himara dhe Fieri digjen gjithë natën, Rama e mbyll me një postim: Situata është nën kontroll

E-TJERA

Sherr në një stacion treni në Itali, 22-vjeçari shqiptar plagos me thikë marokenin

Politiko 6 September 2026, 11:05

Një 22-vjeçar shqiptar është arrestuar në Treviglio të Italisë, nën akuzën se ka tentuar të vrasë një 35-vjeçar maroken gjatë një përplasjeje të dhunshme që nisi në stacionin e trenit dhe përfundoi me goditje me thikë.

 

Ngjarja ndodhi të enjten në mbrëmje, ndërsa sipas versionit të prokurorisë, në qendër të konfliktit mes dy burrave dyshohet se ishte e dashura e 35-vjeçarit.

 

Rreth orës 22:00, shqiptari dhe marokeni zbritën nga i njëjti tren në stacionin e Treviglios. Aty po prisnin edhe dy persona të tjerë nga Afrika e Veriut, miq të 35-vjeçarit. Mes palëve kishte nisur një debat që më herët, por pasi zbritën nga treni situata u përshkallëzua dhe përplasja u bë gjithnjë e më e dhunshme.

 

Butt Mazahr, pronari i lokalit “Sweet Coffee” pranë stacionit, ka treguar se e ka parë konfliktin nga banaku, ndërsa klientët e pranishëm ndiqnin të habitur atë që po ndodhte.

 

“I pashë duke zbritur nga vagoni duke u grindur dhe aty iu afruan edhe dy burra të tjerë. Shqiptari bërtiste: ‘Ju vras more marokenë, ju vras!’”

Të fundit