Zbardhen detaje të reja nga atentati në Ndërfushas të Mirditës, ku mbeti i vrarë Viktor Bardhi 67 vjeç.
Pas ngjarjes, në një zonë pranë vendit ku ndodhi atentati është gjetur një automjet i djegur. Dyshimet paraprake të grupit hetimor janë se makina mund t’u përkasë autorëve të ngjarjes dhe të jetë përdorur prej tyre para ose pas atentatit.
Policia ka sekuestruar automjetin dhe po kryen ekspertizat, ndërsa vijojnë kontrollet në zonë për gjetjen e provave të tjera që mund të ndihmojnë në identifikimin e autorëve.
Mirditë/Informacion paraprak
Rreth orës 09:00, në fshatin Ndërfushas, është gjetur i pajetë në automjetin e tij, shtetasi V. B., rreth 65 vjeç, i cili dyshohet se është vrarë me armë zjarri.
Grupi hetimor ndodhet në vendngjarje dhe në drejtimin e Prokurorisë, vijon punën për zbardhjen dhe dokumentimin e rrethanave të ngjarjes.
