Teuta ka arritur një fitore 3-1 në fushën e Laçit në javën e tretë të “Abissnet Superiore”, në një ndeshje që erdhi për shikuesit në ekranin e RTSH Sport.

Në pjesën e parë, durrsakët arritën të gjejnë golin e avantazhin me Kallakun, që u tregua i saktë nga pika e penalltisë, ndërsa vetëm pas tre minutash, Wotlai dyfishoi shifrat.

Laçi kishte mundësinë të ngushtonte diferencën me anë të Bibos, por lojtari i kurbinasve nuk u tregua i saktë nga pika e penalltisë, goditja e tij u prit nga portieri Bernardoni.

Në pjesën e dytë Bibo ngushtoi diferencëm me një goditje nga distanca, por Pedro në fundin e takimit mbylli të gjitha llogaritë me Teutën që i gëzohet fitores 3-1.

Me këtë fitore durrsakët ngjiten në kuotën e 7 pikëve, ndërsa Laçi mbetet me 4 pikë.