Fansat e universit të The Witcher do të duhet të presin edhe pak për kapitullin e ri. CD Projekt Red ka konfirmuar zyrtarisht se The Witcher 4 synon të prezantohet në vitin 2028, duke i dhënë fund spekulimeve për datën e debutimit të një prej lojërave më të shumëpritura të viteve të ardhshme.
Lajmin e bëri të ditur Michał Nowakowski, bashkë-CEO i CD Projekt Red, në një video të publikuar në rrjetet sociale zyrtare të kompanisë. Sipas tij, studioja nuk është ende gati të zbulojë një datë specifike, por objektivi aktual është viti 2028.
Lajmi vjen pak para Gamescom, ku The Witcher 4 nuk do të shfaqet gjatë ceremonisë Opening Night Live dhe as nuk do të jetë i luajtshëm në ambientet e panairit. Nowakowski kërkoi durim nga fansat, duke sugjeruar se ekipi po merr kohën e nevojshme për ta përfunduar lojën në nivelin e pritshmërive.
Në Gamescom, vëmendja e CD Projekt Red do të përqendrohet te The Witcher 3: Wild Hunt – Songs of the Past, një zgjerim i ri që pritet të publikohet në 2027 dhe do të rikthejë Geraltin në qendër të historisë. DLC-ja do të prezantohet edhe gjatë Opening Night Live.
Ndërkohë, The Witcher 4 u prezantua për herë të parë në The Game Awards 2024. Loja do të ketë në qendër Cirin, vajzën e Geraltit, tashmë të rritur dhe të shndërruar në një Witcher të aftë më vete.
