Sipas një studimi të ri nga Universiteti i Tel Avivit, bazuar në të dhënat nga Byroja Qendrore e Statistikave, rreth 1.370 mjekë janë larguar nga Izraeli midis viteve 2023 dhe 2025.
Ky numër përfaqëson një rritje pothuajse të dyfishtë krahasuar me dekadën e mëparshme, gjë që ngre shqetësime serioze në lidhje me sistemin e kujdesit shëndetësor të vendit. Studimi, i publikuar nga mediat izraelite, e ka monitoruar regjistrin e popullsisë dhe të dhënat e licencave mjekësore të lëshuara.
Sipas të dhënave të mbledhura, trendi i largimeve është vazhdimisht në rritje.
Në vitin 2023, nga Izraeli janë larguar 416 mjekë, ndërsa në vitin 2024, ky numër është rritur në 530. Vlerësimet paraprake për vitin 2025 tregojnë se vendi tashmë ka “pushuar” rreth 419 mjekë.
Rritja alarmante është vërejtur në të gjitha specialitetet mjekësore, duke përfshirë pediatrinë, oftalmologjinë dhe dermatologjinë, kurse largime janë regjistruar nga të gjitha rajonet gjeografike të Izraelit.
Sa serioze është situata ilustrohet më së miri nga një krahasim në median izraelite ku thuhet se numri i mjekëve që janë larguar nga vendi është i barabartë me numrin total të mjekëve në një spital të madh.
