Këngëtari Jozefin Marku, i njohur si Jozi, është arrestuar bashkë me një person tjetër në lidhje me rrahjen e Edit.

Policia njoftoi se pas hetimeve për videon e konfliktit të publikuar në rrjetet sociale, janë ndaluar J.M., 30 vjeç, që bëhet fjalë për Jozefin Markun, dhe K.N., 31 vjeç.

Gjatë kontrollit në banesën e K.N., Policia ka gjetur dhe sekuestruar një sasi municioni. Po ashtu, është sekuestruar edhe një automjet “Land Rover”, i dyshuar se është përdorur gjatë ngjarjes.

Lexo edhe:

Kurti shkon për ngushëllime në familjen e Laurentit

Atifete Jahjaga tërheq vëmendjen me paraqitjen e saj të fundit në një dasmë

Arrestohet reperi Mossi

Sipas Policisë, Jozi dhe personat e tjerë dyshohet se kanë rrahur Eduart Kuçin, 26 vjeç, me pretendimin se ai kishte fyer një prej tyre.

Ndërkohë, dy persona të tjerë, A.H., 48 vjeç dhe K.V., 27 vjeç, janë shpallur në kërkim.

Materialet e rastit i janë referuar Prokurorisë për veprime të mëtejshme.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.