Prokuroria e Pejës hap rast ndaj Jozit pas sulmit ndaj Edit (VIDEO)

Prokuroria Themelore në Pejë ka hapur rast ndaj Joz Markut, pas sulmit fizik ndaj Edi Kuçit.

Sipas informacioneve në kuadër të rastit është kërkuar edhe arrestimi i Joz Markut.

Në pamjet po ashtu të siguruara nga redaksia shihet se Jozi, së bashku me disa persona të tjerë, e rrethojnë Edin dhe e godasin gjatë përleshjes.

Kjo është konfirmuar edhe nga zëdhënësi i Prokurorisë së Pejës, Shkodran Nikçi.

Prokuroria ka bërë të ditur se veprimet janë ndërmarrë bazuar në dispozitat e Kodit Penal të Kosovës, të cilat mundësojnë ndjekjen e shtetasve të huaj për vepra penale të kryera jashtë territorit të Kosovës ndaj shtetasve të saj.