Partia Alternativa për Gjermaninë (AfD), e etiketuar si ekstremiste e djathtë, ka arritur një fitore historike në zgjedhjet për parlamentin e landit Saksonia-Anhalt (në lindje të Gjermanisë).

Sipas sondazheve të para të daljes nga votimi të kanaleve publike ARD dhe ZDF, AfD ka marrë rreth 44–44,5 për qind të votave – më shumë se dyfishi i rezultatit të vitit 2021 (20,8 për qind).Kjo e vendos AfD-në shumë përpara Bashkimit Krishtëror Demokrat (CDU) të kancelarit Friedrich Merz, i cili ka rënë në 18,5 për qind (nga 37,1 për qind në 2021).

CDU, që ka qeverisur Saksonia-Anhalt që nga viti 2002, ka pësuar humbjen më të rëndë në historinë e saj në këtë land.

Rezultatet e para dhe pasiguria për shumicën absoluteSipas projeksioneve të ARD, AfD qëndron në 44,5 për qind, ndërsa ZDF e vendos rreth 44–44,1 për qind. Partitë e tjera që pritet të hyjnë në Landtag (parlamentin e landit) janë:Die Linke (E Majta): rreth 9,2–9,5 për qind

Të Gjelbrit: rreth 8,7–9 për qind

SPD: rreth 8–8,8 për qind

Aleança Sahra Wagenknecht (BSW) është në kufi të pragut prej 5 për qind (rreth 4,8–5 për qind), ndërsa FDP ka dështuar qartë (rreth 2 për qind).

Pjesëmarrja në votim ishte shumë e lartë, e vlerësuar rreth 76–80 për qind (krahasuar me 60,3 për qind në 2021). Rreth 1,7 milionë votues kishin të drejtë vote në landin me rreth 2,1 milionë banorë.

/rtsh.al/