Mbrojtësi bullgar i skuadrës mysafire, Rosen Bozhinov, humbi papritur ndjenjat gjatë lojës, duke shkaktuar panik te futbollistët dhe stafet e të dyja skuadrave.

Ngjarja ndodhi pak pas minutës së 40-të, kur Bozhinov u rrëzua në fushë dhe mbeti i palëvizur. Loja u ndal menjëherë dhe ekipet mjekësore vrapuan drejt tij për t’i dhënë ndihmën e nevojshme.

Shqetësimi u rrit edhe më shumë teksa lojtarët e të dyja skuadrave prisnin të mësonin gjendjen e mbrojtësit. Arbitri më pas mblodhi kapitenët dhe pjesëtarët e dy pankinave, ndërsa pas konsultimeve u vendos që ndeshja të ndërpritej përkohësisht.

Bozhinov u largua nga fusha me barelë dhe u dërgua me ambulancë në spitalin San Leonardo në Castellammare di Stabia.

Fillimisht pati frikë se bëhej fjalë për një problem serioz shëndetësor, por më vonë u sqarua se futbollisti kishte pësuar një gjendje të rënduar nga dehidratimi, e shoqëruar edhe me konvulsione. Sipas burimeve të Lega B, ai ka qenë i vetëdijshëm gjatë gjithë kohës.

Bozhinov mbetet nën vëzhgim

Mbrojtësi bullgar po qëndron në spital për monitorim dhe ekzaminime të mëtejshme. Mjekët kanë bërë të ditur se ai është zgjuar, i vetëdijshëm dhe me parametra jetësorë të qëndrueshëm.

“Bozhinov aktualisht është vigjilent, i vetëdijshëm dhe me parametra jetësorë të qëndrueshëm. Do të qëndrojë i shtruar për vëzhgim, në mënyrë që të përfundojnë ekzaminimet diagnostikuese”, thuhet në buletinin mjekësor.

Mecz Juve Stabii z Pisą został przerwany, po tym jak zasłabł Rosen Bozhinov, zniesiony z murawy na noszach.

Zdrowia 🙏 pic.twitter.com/BfKk8150Zq

— HIB HOB XD (@HibHobXD) September 6, 2026

IN Promo Marketing

AAB shënon një nga mbrëmjet më të veçanta akademike: Gjenerata XXIII diplomon në një ceremoni madhështore

Planifikoni udhëtimin tuaj nga Kölni në Prishtinë me PrishtinaTicket

Nga misteri i fushatës te Malet e Sharrit: Trepika, uji më i ri në treg që bashkon shqiptarët e rajonit