PDK-ja sërish me aksion para qeverisë

Deputetët e Partisë Demokratike të Kosovës (PDK) do të vazhdojnë edhe sot aksionin e tyre, duke bllokuar hyrjen e ndërtesës së Qeverisë së Kosovës.

Sipas një njoftimi për media, PDK-ja, së bashku me aktivistët e saj, do të nisë bllokimin e hyrjes së qeverisë nga ora 07:30 e mëngjesit.

PDK-ja po kërkon që kryeministri në detyrë, Albin Kurti, t’i kthehet Kuvendit të Kosovës dhe të thërrasë seancën për konstituimin e legjislaturës.

PDK-ja e konsideron të domosdoshme zhbllokimin e procesit të konstituimit të kuvendit, në mënyrë që institucionet e vendit të mund të funksionalizohen.