Vendoset “Ora e pritjes” edhe në Mitrovicë për krerët e UÇK

Në sheshin “Mehë Uka” në Mitrovicë ka filluar grumbullimi i anëtarëve të Partisë Demokratike të Kosovës (PDK) dhe qytetarëve. Sonte, në këtë shesh do të vendoset “Ora e pritjes”, për krerët e Ushtrisë Çlirimtare të Kosovës.

Aktgjykimi për krerët e UÇK-së pritet të shpallet më 16 shtator.

Platforma “Liria ka Emër” ka vendosur më 22 gusht në Prishtinë “Orën e Pritjes”, përmes së cilës ka nisur numërimi mbrapsht deri më 16 shtator, datë kur pritet të shpallet vendimi final për ish-krerët e Ushtrisë Çlirimtare të Kosovës që po gjykohen në Hagë.