“Dro*ga, akuza, HI*V…”, aktori më kontrovers feston ditëlindjen

Aktori Charlie Sheen lindi më 3 shtator 1965, në New York City. Emri i tij i vërtetë është Carlos Irwin Estévez.

Ai u rrit në një familje me lidhje të forta me filmin. Ai është djali i aktorit të famshëm Martin Sheen dhe Janet Sheen, transmeton Indeksonline.

Sheen e filloi karrierën e tij si aktor në mesin e viteve 1980 dhe fitoi popullaritet më të madh me rolet në filmat Platoon (1986), për të cilin u nominua për një Golden Globe, dhe Wall Street (1987), në të cilin luajti me Michael Douglas.

Popullariteti më i madh erdhi me serialin televiziv Two and a Half Men, ku ai luajti rolin e Charlie Harper. Roli i fitoi Sheen shumë çmime, përfshirë një Golden Globe për Aktorin më të Mirë në një Komedi Televizive.

Problemet e Sheen me drogën dhe alkoolin filluan të bëheshin më të dukshme. Shpërthimet dhe sjellja e tij publike filluan të ndikonin në karrierën dhe jetën e tij personale. Në vitin 2009, pasi u arrestua për dhunë në familje dhe vepra të tjera penale, Sheen hyri në qendër rehabilitimi, raporton USA Today.

Ai u bë i njohur në Hollywood për deklaratat dhe sjelljen e tij të pazakontë. Pas një konflikti me producentët dhe problemeve të tij personale, ai u pushua nga seriali Two and a Half Men.

Në nëntor të vitit 2015,  Sheen zbuloi publikisht se ishte HIV pozitiv. Njoftimi ishte i rëndësishëm sepse Sheen zbuloi se kishte jetuar me virusin për disa vite, por tha se ishte nën kontroll.

Në qershor të vitit 2017, një ish-e dashur e akuzoi atë për përdhunim. Ajo pretendoi se ishte detyruar të kryente marrëdhënie seksuale me Sheen dhe se ishte abuzuar emocionalisht dhe fizikisht. Akuzat u raportuan në media, por Sheen i mohoi të gjitha pretendimet.

Sheen u mburr vitin e kaluar se nuk kishte pirë alkool që nga viti 2017. “Muajin tjetër do të mbush gjashtë vjet pa alkool. Tani kam një stil jetese shumë të qëndrueshëm. Jam një baba beqar dhe gjithçka ka të bëjë me rritjen e djemve të mi 14-vjeçarë, binjakëve Max dhe Bob”, tha ai.

Përveç djemve të tij, të cilët i ka me ish-të dashurën Brooke Mueller, aktori ka edhe vajzat Sam (19) dhe Loli (18) me ish-gruan Denise Richards, dhe ishte një moment me njërën nga vajzat e tij që e frymëzoi atë që më në fund të bënte një ndryshim./Indeksonline/