Tre të rinj humbën jetën, mes tyre edhe një i mitur, ndërsa dytë tjerë u plagosën rëndë në aksidentin tragjik të ndodhur në Manëz.
Kleo Vrioni, drejtuesi i automjetit, humbi kontrollin dhe përfundoi në kanal, e më pas u përplas me një strukturë betoni. Në automjet me Vrionin ndodhej edhe partnerja e tij, shtetasja italiane Sara Brugentelli 26 vjeçe, e cila po ashtu humbi jetën në aksident.
Kleo dhe Sara ishin martuar vetëm disa ditë më parë, ndërsa aksidenti rezultoi fatal për çiftin e ri.
Viktimë e aksidentit mbeti edhe Alvi Muhaxhiri 15 vjeç. Ndërsa Rejsi Vrioni 25 vjeç dhe Klevis Dervishi 16 vjeç mbetën të plagosur. 16-vjeçari raportohet se ndodhet në gjendje të rëndë për jetën për shkak të plagëve të marra.
