Aktivistja Sidorela Vatnikaj theksoi nga sheshi përpara Kryeministrisë se qytetarët po i thonë boll më kësaj klase politike që për 36 vite ka treguar se është e korruptuar.
Ajo deklaroi se qytetarët, për 79 ditë, treguan se janë më të bashkuar se kurrë dhe se nuk do të lejojnë më që të qeverisen nga hajdutë, autokratë dhe deputetë të inkriminuar.
“Jemi edhe sot në ditën e 79 të protestës, pas tre ditëve të mrekullueshme të diasporës, që iu bashkuar thirrjes kundër qeverisë së Edi Ramës dhe klasës së korruptuar politike. Megjithatë protestë nuk po zhvillohet vetëm në Tiranë por në dhjetëra qytete anembanë Shqipërinë. Me një thirrje të vetme boll më me këtë klasë të korruptuar.
Sot na mbledh një thirrje: Rama në burg, Berisha në burg. Për 78 ditë ky shesh është bërë sheshi i bashkimit të të gjithë shqiptarëve brenda dhe jashtë kufijve për të kërkuar një jetë të dinjitetshme, qe të mos qeverisemi më as nga hajdutë, autokratë apo deputetë të inkriminuar.
Edhe sot bashkohemi në këtë shesh se vetëm së bashku dhe të unifikuar mund ta mundim klasën e korruptuar 36-vjeçare”, tha ajo.
