Berisha drejt SHBA, do të takohet me shqiptarët e Amerikës

Kryetari i Partisë Demokratike, Sali Berisha, ka njoftuar përmes një postimi publik në rrjetet sociale, zhvillimin e një takimi me shqiptarët e Amerikës.

“Freedom Works” – Takimi me shqiptarët e Amerikës, do të mbahet të dielën, më 6 shtator, në orën 11:00, në Bergen Performing Arts Center, në Englewood, New Jersey.

Sipas njoftimit të publikuar nga lideri demokrat, aktiviteti do të zhvillohet në adresën 30 N Van Brunt St, Englewood, NJ 07631.

Ky takim pritet të jetë një tjetër moment i komunikimit të drejtpërdrejtë të Berishës me diasporën shqiptare në SHBA, duke vendosur në fokus marrëdhënien me komunitetin shqiptar përtej Atlantikut dhe mesazhet politike që do të përcillen gjatë këtij aktiviteti.