Ka përfunduar pas katër orësh takimi i thirrur nga Kryeministri Edi Rama në Kuç të Vlorës këtë të mërkurë, ku në qendër të diskutimeve me kryetarët e bashkive ishte reforma e re administrativo-territoriale.
Në këtë mbledhje u shqyrtua drafti që parashikon reduktimin e numrit të bashkive në 46 dhe riorganizimin e hartës vendore.
Në takimin e sotëm morën pjesë disa kryebashkiakë, ndërsa Rama shoqërohej nga bashkëkryetari i Reformës Territoriale, Arbjan Mazniku. Po ashtu i pranishëm në takim ishte edhe ministri Ervin Demo.
Ndërkohë, vendi është përfshirë nga protesta duke kundërshtuar propozimin e PS për Reformën Territoriale.
