Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Qeveria e Singaporit ka prezantuar një paketë të re mbështetjeje për familjet, me një vlerë totale prej pothuajse 70 mijë dollarësh singaporezë (50 mijë euro) për çdo fëmijë deri në moshën 17-vjeçare, në një përpjekje për të frenuar rënien e lindshmërisë në vend.
Kryeministri i Singaporit, Lawrence Wong, bëri të ditur masat e reja, të cilat synojnë të ulin kostot e rritjes së fëmijëve dhe të krijojnë më shumë mbështetje për prindërit.
Mbështetja nis që në lindje, me një grant prej 10 mijë dollarësh singaporezë për foshnjën. Një shumë tjetër prej 10 mijë dollarësh do të vihet në dispozicion për shpenzime që lidhen me kujdesin mjekësor dhe arsimin.
Paketa përfshin gjithashtu 2 mijë dollarë singaporezë në kredi për fëmijët për moshat 1 deri në 16 vjeç, uljen e tarifave për arsimin parashkollor dhe zgjerimin e lejeve prindërore.
“E ardhmja e Singaporit do të jetë po aq e fortë sa familjet që e ndërtojnë atë”, deklaroi Wong.
Masa e qeverisë vjen në një kohë kur Singapori po përballet me një krizë të theksuar demografike. Norma totale e fertilitetit ka zbritur në një rekord të ulët prej 0.87 fëmijësh për grua, shumë poshtë nivelit prej 2.1 fëmijësh që konsiderohet i nevojshëm për zëvendësimin e brezave.
Vendi pritet gjithashtu të hyjë këtë vit në kategorinë e shoqërive “super të plakura”, ku më shumë se 21% e popullsisë është 65 vjeç ose më shumë.
Pavarësisht paketës së re, reagimet kanë qenë të përziera. Disa çifte e konsiderojnë mbështetjen financiare një ndihmë konkrete për vendimin për të krijuar familje, ndërsa të tjerë thonë se kostot e larta të jetesës dhe koha e nevojshme për rritjen e fëmijëve mbeten pengesa të mëdha.
“Këto mbështetje më inkurajojnë të kem fëmijë sa më shpejt të jetë e mundur pasi të martohem”, tha 27-vjeçarja Iqbar Hisham, duke vlerësuar veçanërisht masat për kujdesin ndaj fëmijëve.
Megjithatë, për disa çifte, faktori financiar nuk është i vetmi shqetësim. Koha dhe mundësia për t’iu përkushtuar rritjes së një fëmije mbeten sfida që, sipas tyre, nuk mund të zgjidhen plotësisht vetëm përmes mbështetjes ekonomike të qeverisë.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
