Sot, më 5 shtator, shënohet Dita Ndërkombëtare e Bamirësisë, një datë që lidhet me përvjetorin e vdekjes së Nënë Terezës.

Kanë kaluar 29 vjet nga 5 shtatori i vitit 1997, kur Anjezë Gonxhe Bojaxhiu, e njohur si Nënë Tereza, ndërroi jetë në Kalkuta të Indisë.

Asambleja e Përgjithshme e Kombeve të Bashkuara e caktoi 5 shtatorin si Ditën Ndërkombëtare të Bamirësisë në vitin 2012. Data u zgjodh për të përkuar me përvjetorin e vdekjes së Nënë Terezës.

Kjo ditë synon të nxisë bamirësinë, solidaritetin dhe ndihmën për njerëzit në nevojë, përmes vullnetarizmit dhe kontributit të individëve e organizatave.

Nënë Tereza lindi më 26 gusht 1910 në Shkup dhe për dekada u angazhua në ndihmë të njerëzve të varfër, të sëmurë dhe në nevojë. Për veprimtarinë e saj humanitare, ajo u nderua me Çmimin Nobel për Paqe në vitin 1979.

Në vitin 2003, ajo u shpall e bekuar nga Kisha Katolike, ndërsa në vitin 2016 Papa Françesku e shpalli shenjtore, sipas traditës së Kishës Katolike.

IN Promo Marketing

AAB shënon një nga mbrëmjet më të veçanta akademike: Gjenerata XXIII diplomon në një ceremoni madhështore

Planifikoni udhëtimin tuaj nga Kölni në Prishtinë me PrishtinaTicket

Nga misteri i fushatës te Malet e Sharrit: Trepika, uji më i ri në treg që bashkon shqiptarët e rajonit