Pas emërimit në krye të Ministrisë së Shëndetësisë dhe Mbrojtjes Sociale, Klodiana Spahiu ka reaguar publikisht përmes një postimi në rrjetet sociale.
Spahiu ka falënderuar kryeministrin Edi Rama për besimin e dhënë, duke deklaruar se do të punojë për të çuar përpara angazhimet e qeverisë në këtë sektor.
Në reagimin e saj, ministrja e re ka vlerësuar gjithashtu punën e ish-ministres Evis Sala, ndërsa ka falënderuar edhe qytetarët, miqtë dhe të njohurit që e kanë uruar pas marrjes së detyrës.
Reagimi i plotë:
“Së pari, falenderim për Kryeministrin Edi Rama për besimin e dhënë në propozimin si Ministre e Shëndetësisë dhe Mirëqenies Sociale. Shumë mirënjohëse dhe me dëshirën e madhe për të çuar përpara çdo angazhim.
Falenderim për Profesore Evis Sala, për gjithë punën e bërë dhe kontributin e dhënë në këtë Ministri.
Një falenderim edhe për të gjithë ata që më kanë dërguar mesazhe pa fund urimi, miq e të njohur dhe shumë miq të tjerë virtualë.
Në pamundësi për t’ju kthyer të gjithëve përgjigje, ju them vetëm:
FALEMINDERIT NGA ZEMRA!”
