1.5 trilionë lekë kursime në banka, preferohen depozitat mbi 2 vite

Stoku total i kursimeve në sistemin bankar arriti në fund të korrikut 2026, në rreth 1,5 trilionë lekë. Ne raportin e publikuar nga Banka e Shqipërisë vihet re një rritje te forte te tyre, mbështetur kryesisht nga zgjerimi i kursimeve në monedhën vendase. Depozitat në lekë të individëve, bizneseve dhe institucioneve të tjera arritën në 737 miliardë lekë në muajin e parë të vitit, me një rritje mujore prej 26 miliardë lekësh ose 4% krahasuar me korrikun 2025. 

Të dhënat tregojnë se, shqiptarët preferojnë t’i kyçin paratë e tyre kryesisht në depozita me afat të gjatë në bankë, pjesa më e madhe e të cilëve zgjedhin mbi 2 vite afat.

Mbajtja e kursimeve në bankë për një periudhë të gjatë konsiderohet shpesh një investim më i sigurt, sidomos nga ata që synojnë t’i përdorin paratë në një të ardhme të largët, qoftë për fëmijët, për sëmundje, blerjen e një shtëpie, ngritjen e një biznesi dhe të tjera. Gjithashtu, depozitat afatgjata kanë norma më të larta interesi. Sa më i gjatë të jetë afati i depozitave dhe sa më e madhe të jetë vlera e kursimeve, aq më i lartë do të jetë edhe fitimi nga interesat pas disa vitesh.

Sipas statistikave zyrtare, depozitat në lekë me afat mbi 2 vite kapin një vlerë prej 174.7 miliardë lekësh për individët, ndjekur nga ato me afat njëvjeçar me 127 miliardë lekë.