Flash News

Sot seanca e parë plenare, policia “blindon” me gardh metalik rrugën që të çon te Kuvendi

Rregullorja e re e GJKKO/ Dhoma e Avokatisë vendos bojkot pa afat të seancave gjyqësore

Po vendosnin ndriçimin rrugor, 4 punonjës të Bashkisë Tropojë bien në kontakt me tensionin, njëri humb jetën

Ron Yeffet, audiopërgjimi dhe raketat/ Deklaratat “bombë” të Arben Ahmetajt në intervistën e pestë

Konflikti me armë i mori jetën, kush është 24-vjeçari i vrarë në Shkodër

E-TJERA

Kapet me lëndë narkotike në automjet, arrestohet 27-vjeçari në Tiranë

Politiko 8 September 2026, 15:44

Një 27-vjeçar është arrestuar nga Policia e Tiranës, pasi është kapur duke ndarë lëndë narkotike në doza, me qëllim shitjen e tyre në zona të ndryshme të kryeqytetit.

Në kuadër të aksioneve policore për identifikimin dhe ndalimin e personave të përfshirë në veprimtari kriminale në fushën e narkotikëve, shërbimet e Forcës së Posaçme “Shqiponja” goditën një tjetër rast të dyshuar të shpërndarjes së lëndëve narkotike.

Për rastin, specialistët e Seksionit për Hetimin e Narkotikëve vunë në pranga shtetasin me inicialet J. C., 27 vjeç, banues në Paskuqan.

Sipas Policisë, i riu u konstatua në një automjet të parkuar në rrugën “Jordan Misja”, ndërsa po ndante lëndë narkotike në doza, dyshohet me qëllim shitjen e tyre në zona të ndryshme të Tiranës.

Në momentin që ka konstatuar praninë e shërbimeve të Policisë, 27-vjeçari ka tentuar të largohet me vrap, por është kapur dhe neutralizuar nga efektivët.

Gjatë kontrollit fizik dhe kontrollit të automjetit, policia ka sekuestruar doza të dyshuara si lëndë narkotike kokainë dhe Cannabis Sativa, një përzierje e dyshuar si “Crack”, si dhe municion luftarak.

Të fundit