Një 52-vjeçar është arrestuar nga policia në Vlorë pasi është autori i zjarrit në 6 korrik të këtij viti në vendin e quajtur “Qafa e Petës”, ku u dogj një sipërfaqe toke me bimësi të egër dhe pemë ulliri.
52-vjeçari do të akuzohet për veprën penale “Shkatërrimi i pronës me zjarr”.
Ndërsa po ashtu në kërkim janë shpallur edhe dy kushërinjtë e autorit të ndezjes së zjarrit, të cilët kanë kundërshtuar punonjësit e Policisë që t’i pengonin në kryerjen e detyrës dhe më pas janë larguar.
Njoftimi i policisë:
Identifikohet dhe arrestohet autori i dyshuar i zjarrvënies në fshatin Petë, më datë 06.07.2026.
Si rezultat i veprimeve intensive hetimore të kryera nga specialistët për Hetimin e Krimeve të Komisariatit të Policisë Vlorë, për një rast të zjarrvënies në vendin e quajtur “Qafa e Petës”, më datë 06.07.2026, u bë i mundur identifikimi i autorit të dyshuar, shtetasit A. S., 52 vjeç, banues në fshatin Mallkeq. Në përfundim të veprimeve, ky shtetas u arrestua për veprën penale “Shkatërrimi i pronës me zjarr”.
Nga përhapja e zjarrit që ndezi ky shtetas, u dogjën një sipërfaqe toke me bimësi të egër dhe pemë ulliri.
Gjithashtu, u shpallën në kërkim shtetasit R. S., 62 vjeç dhe I. S., 35 vjeç, banues në fshatin Mallkeq (vëllai dhe kushëriri i shtetasit të arrestuar), pasi gjatë shoqërimit të shtetasit A. S., kanë kundërshtuar punonjësit e Policisë që t’i pengonin në kryerjen e detyrës dhe më pas janë larguar.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme
Sondazh
Lexo gjithashtu
