Këngëtarja e njohur Leonora Jakupi i është bashkuar thirrjeve për pjesëmarrje në “Marshin për Liri”, i cili do të zhvillohet më 12 shtator, në orën 14:00, në sheshin “Skënderbeu” në Prishtinë.
Përmes një mesazhi, Jakupi u ka bërë thirrje qytetarëve që të bashkohen në Prishtinë dhe të ngrenë zërin në mbështetje të Hashim Thaçit, Kadri Veselit, Jakup Krasniqit dhe Rexhep Selimit, të cilët ndodhen në proces gjyqësor në Hagë.
Thirrja e këngëtares vjen në kuadër të mbështetjes së shprehur ditët e fundit nga artistë, figura publike, ish-luftëtarë, familje të dëshmorëve dhe qytetarë për pjesëmarrjen në marsh.
“Marshi për Liri” organizohet nga platforma qytetare “Liria Ka Emër”, me mesazhe që lidhen me drejtësinë, lirinë dhe mbështetjen për ish-pjesëtarët e UÇK-së.
12 shtator | Ora 14:00 | Sheshi “Skënderbeu”, Prishtinë
Bashkohemi për çlirimtarët. Bashkohemi për liri.