Mourinho kundër Interit, sonte spektakël në Bernabeu! Zbulohen formacionet zyrtare

Real Madrid dhe Inter përballen sonte në “Santiago Bernabeu” në një nga ndeshjet më të mëdha të javës së parë të Champions League. Dueli nis në orën 21:00 dhe sjell përballë dy skuadra me ambicie të mëdha në arenën europiane.

Në qendër të vëmendjes është padyshim José Mourinho. Trajneri portugez rikthehet në Champions League në stolin e Real Madridit dhe përballë do të ketë pikërisht Interin, skuadrën që ai udhëhoqi drejt triumfit në Champions League në vitin 2010. Për më tepër, finalja e atij viti u luajt pikërisht në “Santiago Bernabéu”, duke e bërë këtë përballje edhe më speciale për “Special One”.

Real Madrid vjen në këtë sfidë pas humbjes 1-0 ndaj Real Betisit, ndërsa Mourinho duhet të bëjë llogaritë edhe me mungesat e Bernardo Silvës, Arda Güler dhe Eduardo Camavingas, të pezulluar.

Nga ana tjetër, Interi mbërrin në Madrid me moral të lartë. Zikaltrit kanë fituar tre ndeshjet e para në Serie A, përfshirë edhe përmbysjen 3-2 ndaj Napolit, dhe synojnë të befasojnë Realin në shtëpinë e tij.

Formacionet zyrtare

REAL MADRID – 4-2-3-1

Courtois

Dumfries – Konaté – Huijsen – Cucurella

Valverde – Bellingham

Brahim – Mbappé – Vinicius Jr.

Trajner: José Mourinho

INTER – 3-5-2

Josep Martínez

Bisseck – Akanji – Bastoni

Andy Diouf – Barella – Çalhanoğlu – Zielinski – Carlos Augusto

Lautaro Martínez – Francesco Pio Esposito

Trajner: Cristian Chivu