Nderimet për Ratko Mladiç në Serbi/ Ministri Hoxha: Glorifikimi i kriminelëve të luftës bie ndesh me vlerat evropiane

Shqipëria ka dënuar nderimet e bëra në Serbi për Ratko Mlladiç, ish-komandantin e serbëve të Bosnjës, i dënuar për gjenocid, krime kundër njerëzimit dhe krime lufte.

Në një reagim në rrjetin social X, ministri për Evropën dhe Punët e Jashtme, Ferit Hoxha, tha se Shqipëria i bashkohet Bashkimit Evropian dhe liderëve të tij në dënimin e mënyrës se si Mlladiç është nderuar në Serbi.

Ministri theksoi se qëndrimi i Shqipërisë ndaj glorifikimit të kriminelëve të luftës, mohimit të gjenocidit dhe revizionizmit historik mbetet i pandryshuar. Sipas tij, këto qëndrime bien ndesh me vlerat evropiane dhe dëmtojnë procesin e pajtimit, bashkëpunimit dhe fqinjësisë së mirë në Ballkanin Perëndimor.

Hoxha nënvizoi gjithashtu se akte të tilla “fyejnë viktimat dhe të mbijetuarit” dhe gërryejnë besimin mes komuniteteve dhe njerëzve.

“Shqipëria dënon glorifikimin e Ratko Mlladiç, një kriminel lufte i dënuar që vdiq ndërsa vuante dënimin me burgim të përjetshëm për gjenocid, krime kundër njerëzimit dhe krime lufte. Ne i bashkohemi Bashkimit Evropian, udhëheqësve të tij dhe të gjithë atyre që me të drejtë kanë dënuar mënyrën se si ai u nderua në Serbi.

Qëndrimi ynë ka qenë i qartë dhe mbetet konsistent: glorifikimi i kriminelëve të luftës të dënuar, mohimi i gjenocidit dhe revizionizmi historik bien ndesh me vlerat mbi të cilat është ndërtuar projekti evropian dhe minojnë frymën e pajtimit, bashkëpunimit dhe marrëdhënieve të fqinjësisë së mirë që janë thelbësore për një të ardhme të përbashkët në Ballkanin Perëndimor.

Akte të tilla shkaktojnë më shumë dëm sesa thjesht rihapja e plagëve të së kaluarës. Ato fyejnë viktimat dhe të mbijetuarit, gërryejnë besimin midis komuniteteve dhe njerëzve.

Shqipëria beson fuqimisht se pajtimi i vërtetë mund të ndërtohet vetëm mbi të vërtetën, llogaridhënien, respektin për viktimat dhe të mbijetuarit dhe një angazhim të përbashkët për të siguruar që krimet e së kaluarës të mos përsëriten kurrë.

Rajoni ynë ka një të ardhme për të ndërtuar së bashku. Kjo e ardhme duhet të jetë evropiane: e rrënjosur në paqe, pajtim, bashkëpunim, respekt të ndërsjellë dhe respekt të palëkundur për kujtimin e atyre që vuajtën nga tmerret e luftës”, shkruan ai.

Incidenti me disa protestuese, reagon Iris Luarasi: Do e denoncoj këtë rast, drejtësia të veprojë!

19:40 Politika 74 komente

Talentet politike? Ka shumë, por i kanë prerë rrugën

19:30 Politika 7 komente

Koçiu dënon sjelljen e protestuesve ndaj deputetëve: Kjo nuk është protestë, por dhunë e mirëfilltë!

19:10 Politika 15 komente

Protestuesit bllokojnë rrugët në kryeqytet, FNSH i bashkohet ‘Shqiponjave’ për shpërndarjen e tyre! Trafik i rënduar ‘në zëmër’ të kryeqytetit

18:57 Politika 10 komente

Përshkallëzon tubimi, protestuesit godasin me vezë dhe shishe uji makinën e deputetes së PS. Njëri prej tyre i thyen edhe pasqyrën e automjetit

18:50 Politika 17 komente

Deputetët e PD-së braktisin sallën - Kuvendi voton me 79 vota pro Klodjana Spahiun ministre të Shëndetësisë, mbyllet seanca

18:10 Politika 2 komente

Balla: Të mbyllim negociatat me BE-në brenda 2027-s! Të avancojmë me reformën zgjedhore, roli i opozitës i pazëvendësueshëm

18:05 Politika 3 komente

Tensione në protestë, protestuesit hedhin vezë në drejtim të policisë (VIDEO)

17:55 Politika 8 komente

“Koha për punë”, Ambasadorja e re e BE-së zbardh takimin me Ramën: Patëm bisedë të mirë për të ardhmen evropiane të Shqipërisë

17:45 Politika 12 komente

FOTO: Marjana Koçeku iu bashkohet deputetëve të Sali Berishës

17:35 Politika 92 komente