Ish-zëvendëskryeministri, Arben Ahmetaj, foli sot lidhur me ndikim e proceseve gjyqësore dhe çështjeve që rëndojnë ndaj tij, si dosja “Buka” dhe ajo e Inceneratorit. Në një intervistë në “Çim Peka Live”, Ahmetaj e konsideroi si gjenocidiale nivelin e brutalitetit që mori çështja ndaj tij dhe familjes.
Ndër të tjera, Ahmetaj hodhi akuza të forta se e gjitha është vepër e kryeministrit Edi Rama, kryebashkiakut të Tiranës Erion Veliaj dhe një ish-ministri socialist, që nuk zgjodhi t’ia përmendte emrin.
“Brutaliteti ndaj çështjes sime dhe familjes sime ka kaluar në nivel gjenocidi. Unë sot e kam familjet të shpërbërë, fëmijët të traumatizuar, pronat e sekuestruara. Vetë psikologjikisht dhe shpirtërisht jam në burg prej 38 muajsh. Nuk janë sekret vuajtjet e familjes sime dhe nuk i fsheh më. Është vepër e Ramës, Veliajt dhe një ish-ministri që po rezervohem t’i them emrin. Dua të përballem me një drejtësi të çliruar. Lutem që një ditë të përballem me intrigantët dhe duhet betejë,” tha Ahmetaj.
