Një aksident i rëndë ka ndodhur me datë 5 shtator 2026 në Durrës, në lagjen nr. 15, ku një kamion përplasi për vdekje një person që po lëvizte me biçikletë.
Viktima ishte shtetasi S. M 70 vjeç, i cili ka humbur jetën në vendin e ngjarjes.
Pamjet e mëposhtme tregojnë kamionin e kompanisë “Geci” shpk që ka përplasur për vdekje të moshuarin.
Njoftimi i policisë:
Në Durrës, në lagjen nr. 15, Durrës, një kamion me drejtues shtetasin U. D., ka aksidentuar një shtetas që lëvizte me biçikletë.
Si pasojë e aksidentit, shtetasi S. M., 70 vjeç, ka ndërruar jetë në vendngjarje. Drejtuesi i kamionit, shtetasi U. D., është shoqëruar në Komisariat për veprime të mëtejshme procedurale.
Grupi hetimor ndodhet në vendngjarje dhe, nën drejtimin e Prokurorisë, po punon për sqarimin e rrethanave dhe shkakut të aksidentit.
