Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
SHOWBIZ
"Lus Zotin që kjo të jetë hera e fundit, e keqja vjen shumë shpejt"/ Këngëtari sqaron bisedën me babanë e Kuçit pas konfliktit
PiranjatPërditësimi i fundit 9 Shtator 2026, 16:44
Këngëtari Labinot Rexha ka treguar më shumë detaje nga konflikti mes Jozefin Markut dhe Eduard Kuçit. Rexha ka treguar se pas konfliktit mes të dyve, ka tentuar të komunikojë me babanë e Kuçit, por ky i fundit ka refuzuar të komentojë për ngjarjen.
“Unë mora edhe një iniciativë për të folur me babain e Edit, por ai nuk donte të fliste. Më tha: “Të lutem, për këtë punë mos më thirr më.” Ata nuk pranojnë, por unë e lus Zotin që kjo të jetë hera e fundit, e keqja vjen shumë shpejt. Unë nuk besoj që Jozi është djalë i keq, por edhe Edi, po të rrish nja 2 minuta me të, thotë fjalë të mira, jemi bërë shokë, ai ta jep shpirtin edhe zemrën. Babanë e Edit dhe familjen e tyre e ka prekur ngjarja.
A e di sa kërcënime kam marrë unë, që kam qenë herë me atë, herë me këtë. Shpresoj që të dyja palët të pajtohen sa më shpejt. Më thonë pse e përkrah Edin.
Unë njoh edhe Edin, edhe Jozin, se kam kënduar me të”, tha Rexha.
Ndërkohë, këngëtari ka sqaruar edhe një Insta-Story që ka publikuar pak ditë më parë, ku ka treguar se është kërcënuar nga disa persona.
Rexha ka sqaruar se bëhet fjalë për një konflikt të hershëm për pronën mes familjes së tij dhe një komshiu.
“Ky problem është i hershëm, për pronësinë me një komshi. Bëhet fjalë për nja 2-3 metër katror. Ata kur mbeten pa lekë më acarojnë mua. Ma bëjnë gjithmonë kështu. Ata më shanë mua dhe mamin tim, me fjalë banale, me fjalë të ulëta dhe të shpifura. Edhe një vëlla i tyre më goditi pak. Thirra policinë, me maturi dhe qetësi dhe gjakftohtësi”, tregoi këngëtari.
