Partia e djathtë gjermane Alternativa për Gjermaninë (AfD) ka kërkuar deportimin e më shumë se një milion refugjatëve,...
BOTA
Kush qëlloi i pari? Ekspertiza zbulon të vërtetën brenda tragjedisë familjare pas ‘humbjes’ së 300 mijë eurove
PiranjatPërditësimi i fundit 9 Shtator 2026, 20:18
Dyshohet se ka qenë Valentina Pambianco ajo që ka marrë armën dhe ka tërhequr këmbëzën, duke vrarë bashkëshortin, vajzën 5-vjeçare me aftësi të kufizuara dhe qenin e familjes, përpara se t’i jepte fund jetës në banesën e saj në Pietralata.
Kjo është hipoteza e ngritur nga hetimet e para lidhur me tragjedinë familjare që ndodhi në periferi të Romës më 31 gusht. Sipas LaPresse, Prokuroria e Romës ka urdhëruar tashmë një ekspertizë kimike dhe balistike, me qëllim sqarimin e plotë të dinamikës së ngjarjes.
Skena “rrëqethëse” që gjetën hetuesit
Tragjedia familjare dyshohet se erdhi pas viteve të përpjekjeve për të siguruar trajtime shumë të kushtueshme për vajzën, për të cilat raportohet se familja kishte shpenzuar më shumë se 300 mijë euro, duke iu drejtuar personave të cilët pretendonin se ishin ekspertë të mjekësisë në Meksikë.Sipas deklarimeve të para të hetuesve që mbërritën në vendngjarje, ajo që gjetën ishte një skenë “rrëqethëse”.
Luca Abbasciano, bashkëshorti i Pambiancos, u gjet i shtrirë në dysheme, pranë murit. Në shtrat ndodhej vajza 5-vjeçare, e cila ishte qëlluar me një plumb në kokë. Pranë saj ndodhej edhe Valentina Pambianco, e cila, sipas konstatimeve të para në vendngjarje, dyshohet se kishte qëlluar veten në gojë.
Qeni u plagos dhe më pas ngordhi pranë të zotit
Edhe qeni i familjes, i cili dyshohet se u qëllua me plumba nga gruaja, ka lëvizur për disa minuta nëpër banesë i plagosur dhe i gjakosur. Më pas, ai dyshohet se është rrëzuar në dhomën e gjumit, mes këmbëve të Luca Abbascianos. Këtë e tregojnë gjurmët e gjakut të gjetura në apartament.
Arma e krimit u gjet në dysheme, një element që fillimisht i kishte bërë hetuesit të mendonin se ishte burri ai që kishte marrë armën.
Prania e gjurmëve të barutit te të dy bashkëshortët bëri më pas që hetuesit të ngrinin hipotezën se të dy kishin tërhequr këmbëzën.
Tashmë, rindërtimi i ngjarjes duket se ka ndryshuar dhe hetimet po orientohen drejt hipotezës se Valentina Pambianco ka qenë ajo që ka qëlluar me armë. /PiranjatNews/
