Yamal shkëlqen në Camp Nou, shiritin e kapitenit e “vulos” me perlë
Lamine Yamal ka përjetuar një tjetër mbrëmje të paharrueshme me fanellën e Barcelonës.
Në moshën vetëm 19-vjeçare, talenti spanjoll mbajti shiritin e kapitenit dhe e festoi këtë moment të veçantë me një gol spektakolar në fitoren 5–1 ndaj Feyenoordit në Champions League.
Yamal tregoi edhe një herë qetësinë dhe klasin që e karakterizojnë, duke u bërë protagonist në një prej momenteve më të bukura të ndeshjes.
Në minutën e 77-të, ai mori përsipër ekzekutimin e një goditjeje dënimi dhe goditi saktë, duke e dërguar topin në rrjetë dhe duke ngritur në këmbë tifozët në Camp Nou.
View this post on Instagram
Ky gol ishte edhe më special për faktin se erdhi në një natë ku Yamal mbante shiritin e kapitenit.
Edhe pse është ende shumë i ri, sulmuesi vazhdon të marrë gjithnjë e më shumë përgjegjësi në skuadrën e Hansi Flick, duke treguar se është një nga figurat kryesore të projektit të Barcelonës.
