Kreu i Grupit Parlamntar ka reaguar gjatë ditës së sotme pas publikimit të përgjimeve nga ish zëvendës kryeministri Arben A...
SHOWBIZ
Prej 4 vitesh së bashku, Bojken Lako zbulon vajzën që i ka marrë zemrën
PiranjatPërditësimi i fundit 9 Shtator 2026, 21:57
Bojken Lako ka folur për herë të parë për partneren e tij dhe marrëdhënien që prej disa vitesh e mban larg vëmendjes së publikut. I ftuar në “Rudina” artisti zbuloi se partnerja e tij quhet Izzy, ndërsa tregoi edhe për jetën që çifti ndan mes Shqipërisë dhe Italisë. Një detaj që ka tërhequr vëmendjen është edhe varësja që Lako mban në qafë, me shkronjën “I”, iniciali i emrit të partneres së tij.
Izzy është e angazhuar në fushën e muzikës dhe ka eksperiencë në menaxhimin dhe organizimin e eventeve, duke bashkëpunuar me artistë të njohur ndërkombëtarë. Ajo ka punuar edhe në Shqipëri, në media dhe në organizime të ndryshme.
“Normalisht është e fushës së muzikës. Ka qenë pjesë e ekipit menaxhues të eventeve të ndryshme, artistëve të mëdhenj në botë, edhe aty ku ka jetuar, dhe këtu në Shqipëri, kur ka punuar në media dhe organizimeve të ndryshme. Kemi punuar dhe në Festivalin e 62-të të Këngës bashkë, në pjesën e organizimit dhe gjithë konceptit të atij festivali”, tha Lako.
Artisti zbuloi se lidhja e tyre ka katër vite, ndonëse njihen prej shumë më gjatë.
“Kemi katër vite, pavarësisht se njihemi që më përpara, shumë vite”, tha ai.
Sa i përket planeve për të ardhmen, çifti duket se po zgjedh ta shijojë marrëdhënien pa presion dhe pa vendosur afate. Martesa apo ardhja e fëmijëve mbeten hapa që do të vijnë në momentin e duhur, natyrshëm dhe sipas dëshirës së të dyve.
