Zjarret që po shkatërrojnë pyjet dhe zonat e mbrojtura në Shqipëri nuk janë dukuri natyrore, por një skemë e pastë...
AKTUALITET
Kallash dhe pistoletë me vete/ Sherr i dhunshëm në Velipojë, parandalohet tragjedia në moment të fundit
PiranjatPërditësimi i fundit 10 Shtator 2026, 10:50
Një konflikt mes një kamarieri dhe dy vëllezërve në Velipojë ka përshkallëzuar, duke sjellë më pas ndërhyrjen e tre personave të armatosur në një lokal. Ngjarja ka ndodhur pasditen e 6 shtatorit në lokalin “Arval”, në fshatin Gomsiqe e Re. Pas konfliktit, kamarieri ka njoftuar persona të afërt, ndërsa pak më vonë tre persona kanë mbërritur në lokal me një “BMW X5” me targa angleze.
Dy prej tyre kanë hyrë në ambientet e lokalit të armatosur, njëri me automatik dhe tjetri me pistoletë. Pamjet e kamerave të sigurisë tregojnë momentin kur klientët janë përfshirë nga paniku dhe kanë nisur të largohen nga lokali, duke shmangur një përplasje të mundshme me armë.
Policia ka identifikuar tre personat e përfshirë, mes tyre Klevin Nikollin, dhe i ka shpallur në kërkim. Materialet hetimore janë referuar në Prokurorinë e Shkodrës për veprat penale “Mbajtja pa leje e armëve dhe municioneve” dhe “Kanosja me armë”. Në dëshminë e tij, pronari i lokalit, Valter Përndrecaj, ka deklaruar se në momentin e ngjarjes ndodhej në ambientet e “Arval”. Fatmirësisht, sherri nuk shkaktoi të plagosur apo viktima.
