Presidenti ukrainas, Volodymyr Zelensky, mbërriti mbrëmjen e djeshme në Calgary, ku pritet të zhvillojë “takime dhe të arrijë marrëveshje të rëndësishme” me zyrtarët kanadezë, përfshirë kryeministrin Mark Carney.
Zelensky udhëtoi drejt Kanadasë pasi mori pjesë në funeralin e Mbretit Harald V në Norvegji, ndërsa avioni i tij u vonua për shkak të një ndërhyrjeje me dron.
Udhëheqësi ukrainas ndodhet në mes të një serie udhëtimesh dhe takimesh diplomatike, në përpjekje për të forcuar mbështetjen dhe mbrojtjen e Ukrainës përpara muajve të ftohtë të dimrit.
“Fokusi kryesor do të jetë mbështetja e Ukrainës në mbrojtjen e qiejve tanë dhe përgatitjen për dimrin”, tha Zelenskyy në një postim në rrjetet sociale.
Ndërkohë, kryeministri kanadez Mark Carney deklaroi se vizita e Zelenskyyt “do të përqëndrohet me prioritet të përbashkët mes Kanadës dhe Ukrainës, duke përfshirë thellimin e bashkëpunimit në mbrojtje, ekonomi dhe energji".
Në deklaratën e tij, Carney theksoi gjithashtu se Kanadaja "mbetet e palëkundur në angazhimin tonë për të mbështetur mbrojtjen, rimëkëmbjen dhe rindërtimin e Ukrainës".
Zelensky kishte sinjalizuar më herët edhe dëshirën për t’u takuar me presidentin e SHBA-së, Donald Trump, për të diskutuar këto çështje përpara fundit të shtatorit.
Sondazh
Lexo gjithashtu
