Gjatë ditës së sotme janë raportuar 19 vatra zjarri në territorin e vendit, 10 prej të cilave vijojnë të jenë aktive.
Sipas të dhënave të Ministrisë së Mbrojtjes, në Tiranë, zjarri në Malin e Dajtit vijon aktiv. Në Malin e Bërzhitës dhe në Malin me Gropa situata është stabilizuar. Nuk raportohet rrezik për zonat e banuara.
Në Dibër, vatrat aktive janë në Lundre–Madhesh, Cerrujë–Mali i Allushit, Selishtë dhe Pleshë. Në Qafën e Helmesit situata paraqitet e qetë.
Në Lezhë, zjarri në zonën Kalivaç–Zimaj–Rras i Butë–Ungrej vijon aktiv. Në Gallatë të Kurbinit situata është nën kontroll. Nuk ka rrezik për banesat.
Në Elbasan, zjarret në Qukës dhe Gurëshpatë janë izoluar.
Në Shkodër vijojnë aktive vatrat në Porav, Mnelë e Madhe dhe Rragam. Në Tërbun situata është stabilizuar dhe nuk raportohet rrezik për zonat e banuara.
Në Fier, vatra në Çërrilë të Mallakastrës vijon aktive, ndërsa në Peshtan situata është nën kontroll.
Në Korçë, zjarri pranë Oparit nuk paraqet rrezik për banesat.
