Ministri i Financave, Petrit Malaj, ka reaguar pas kallëzimit penal të depozituar në SPAK nga Shoqatat e Gjyqtarëve dhe Prokurorëve, lidhur me mosekzekutimin e pagave të muajit gusht për magjistratët.
Malaj thotë se kallëzimi është bërë ndaj tij si titullar i Ministrisë së Financave, Sekretarit të Përgjithshëm dhe drejtorëve të Thesarit në të gjithë vendin, pasi kanë refuzuar të ekzekutojnë pagat e reja pa miratimin e ligjit në Kuvend.
Malaj thotë se Ministria e Financave ka refuzuar të hapë dyert e thesarit të shtetit për të nxjerrë pa vendim të Parlamentit 40 milionë euro në vit si shtesë page për gjyqtarët dhe prokurorët.
