Trump: SHBA mund të qëndrojë në Iran dhe të mbajë naftën, si marrëveshja me Venezuelën

Presidenti amerikan, Donald Trump sugjeroi të dielën se Shtetet e Bashkuara mund të qëndrojnë në Iran dhe “të mbajnë naftën”, duke bërë një paralizëm me një përpjekje të SHBA-së për të marrë kontrollin e një të pestës së rezervave të mëdha të naftës në Venezuelë.

Gjatë një udhëtimi në Irlandë për takime dhe për të parë golf, ai përsëriti se ende priste që lufta me Iranin të përfundonte këtë vit, ndoshta menjëherë pas zgjedhjeve të mesit të mandatit që do të mbahen në Shtetet e Bashkuara në nëntor.

Duke folur në kampionatin e golfit Irish Open, Trump shtoi se çmimi i benzinës do të “binte si shkëmbi” sapo të mbaronte lufta me Iranin.

Trazirat në Lindjen e Mesme kanë tronditur tregjet e naftës, me tregtarët e naftës që presin që çmimet të rriten përsëri të hënën pas një sulmi në një tubacion nafte në Arabinë Saudite.

Trump tha se do të bënte vetëm marrëveshjen e duhur, duke shtuar se Irani po bënte thirrje të vazhdueshme për bisedime paqeje -një pohim që Teherani e ka hedhur poshtë në të kaluarën.

“Në fund të fundit do të largohemi nga Irani, përveç nëse vendosim të qëndrojmë dhe ta mbajmë naftën si Venezuela”, tha Trump, duke shtuar se të ardhurat e SHBA-së nga Venezuela kanë paguar për luftën shumë herë.