Një aksident rrugor është regjistruar në aksin Qishbardhë–Peshkëpi, ku dy automjete janë përplasur me njëri-tjetrin.
Mësohet se në njërin prej automjeteve udhëtonin turistë. Si pasojë e përplasjes, disa persona kanë mbetur të lënduar, por fatmirësisht bëhet me dije se dëmtimet janë të lehta dhe të gjithë të lënduarit ndodhen jashtë rrezikut për jetën.
Pas aksidentit, në vendngjarje kanë mbërritur shërbimet përkatëse, ndërsa policia ka nisur hetimet për të përcaktuar rrethanat e ngjarjes dhe shkakun e përplasjes.
Grupi hetimor po punon për dokumentimin e plotë të aksidentit dhe përcaktimin e përgjegjësive.