Kryeministri në detyrë i Kosovës, Albin Kurti, deklaroi se Lëvizja Vetëvendosje do të mbështesë kandidaturën e Vlora Çitakut për postin e nënkryetares së Kuvendit, sapo Partia Demokratike e Kosovës të rikthehet në seancë.
Kurti tha se posti i nënkryetarit të dytë të Kuvendit i takon PDK-së dhe se Vetëvendosje është e gatshme ta votojë Çitakun në momentin që ajo të propozohet sërish.
“U bë mirë që u konstituua Kuvendi, nënkryetari i dytë i Kuvendit të Republikës së Kosovës i takon Partisë Demokratike të Kosovës. Në çdo moment që janë të gatshëm ta propozojnë zonjën Vlora Çitaku, ne menjëherë do ta votojmë”, tha Kurti.